2025-01-25, Ataun-Legorreta

Txotx egitera goaz urtarrilaren 25ean (larunbata). Egitasmoa hauxe da:

• Irteera:
• Plentzia, 9:00 
• Sopela, 9:15
• Bilbo, 9:30

• 10:45, geldiune teknikoa
• 11:30, Ataungo BARANDIARAN Museora bisita gidatua
• 13:30, kantupoteoa Lazkaon
• 15:00, bazkaria Legorretako AULIA-BEGIRISTAIN sagardotegian
• Bazkalostean, kantuak eta dantzak Kresaltsu taldearekin
• 17:30, aisaldia Legorretan
• 19:00, etxerantz abiatu 

Ataun eta Legorreta:

    Ataun                             Aulia-Begiristain sagardotegia                         Legorreta

Ordainketak egiteko kontua:  Kutxabank ES54 2095 0062 10 9116720969 Plentziako Kantagune taldeko bazkide bakoitzeko 50€ dira (bidaia, bisita gidatuak  eta bazkaria barne) urtarrilaren 16a baino lehen. Partaideen zerrenda bat irekiko dugu WhatsApp aplikazioaren INFO-Plentzia Kantagunea harian. Beti bezala, Plentzia Kantaguneko diruzainak eguneratuko du zerrenda hori ordainketak eginak daudela ikusten dituen einean.

Cuenta para los ingresos:  Kutxabank ES54 2095 0062 10 9116720969 Cada socio o socia de Plentziako Kantagune pagará 50€ (viaje, visitas guiadas y comida incluidos) antes del 16 de enero. Se abrirá una lista de participantes en el canal INFO-Plentzia Kantagune Taldea de WhatsApp. Como siempre, la persona encargada de actualizar dicha lista será el tesorero de PK que lo irá haciendo a medida de que tenga constancia de los ingresos realizados.

2025eko egitaraua (aurreikuspena)

URTEKO EGITARAUAREN AURREIKUSPENA

2025eko hasierarako Jardueren Egitarau hau proposatzen du Batzordeak, otsailean burutuko den Batzar Orokorrak 2025eko egitarau osoa aztertu eta onartuko du:

URTARRILA

• 10ean Entsegua eta kantujira
• 25ean Sagardotegia (Legorreta)
• 31an Entsegua Itsasorekin eta kantujira

OTSAILA

• 4an Santa Agedako kantujira
• 14an URTEKO BATZAR OROKORRA
• 28an Entsegua Itsasorekin eta kantujira

MARTXOA

• 14an Kantujira
• 28an Entsegua Itsasorekin eta kantujira

APIRILA

• 11an Entsegua Itsasorekin eta kantujira

Plentziako Kantagunearen Batzordea

[40] Ur goiena, ur barrena

2017an argitaratutako Ur goiena, ur barrena artikulua ikusi.

[36] Orhiko xoria

2019an argitaratutako Orhiko xoria artikulua ikusi.

[31] Egia garesti dala

Egia garesti dala poema Jose Mari "Txato" Agirrek idatzi zuen eta Imanol Larzabalek musikatu zuen.

Poema hau Uhin berri izeneko antologian argitaratu zuen Juan San Martin idazleak 1969an, hirurogeigarren hamarkadaren amaieran poeta gazteek haien lanak plazaratzeko aukera gutxi izaten zituzten eta Juan San Martinek gazteei bideak irekitzeko lan handiak egin zituen eta testuinguru horretan ulertu behar da Uhin berri liburua. Kronologia aldetik, poemak 1964tik 1969ra zihoazten eta Egia garesti dala poema garai hartakoa da.

Josemari Agirre Eskisabel, argazki gehiago hemen

Josemari Agirre Eskisabel Aizkorrondo baserrian jaio zen, Ataunen, 1943an. Hamaika urterekin Donostiako apaizgaitegian hasi zen Giza Zientziak, Filosofia eta Teologia ikasten. Politika ibilbideari 1965ean ekin zion, beste apaizgai batzuekin batera seminariotik kanporatu zutenean. ETAn sartu eta 1967an atxilotu eta torturatu egin zuten, baita Martutenen espetxeratu ere. Epaile militar batek aske utzi zuen baina espetxetik irten eta bi egunera atxiloketa-agindua eman zuen berriz Orden Publikorako Auzitegiak. Iparraldera ihes egina zen ordurako.

Iheslari gisa Belgikan hartu zuen aterpe. Lovainako unibertsitatean Ekonomia Zientzietan lizentziatu zen eta ETA utzi zuen 1970ean. Ezkondu egin zen eta bi seme izan zituen. 1977ko amnistia zela-eta Euskadira itzuli zen Euskal Herri aurrerazale, berritu eta europazale baten alde lan egiteko ilusioz.

1987tik 1991ra Ekonomia diputatu izan zen Gipuzkoako Foru Aldundian, EA-EE koalizioaren izenean eta Imanol Murua ahaldun nagusi zela. Diputatu zela koordinatu zuen, hain zuzen ere, "Gipuzkoa 2000 Plan Estrategikoa". Ibilbide politikoa Ibarretxe Lehendakariaren ekonomia aholkulari (2006-2009) jardun ondoren bukatu zuen.

Lan-ibilbideari utzi eta denbora gutxira zendu zen, 66 urterekin, Panticosan (Huesca) izan zuen mendi istripuan, 2009ko abuztuaren 10ean, hain gogoko zuen eta hainbeste gozarazi zion alpinismoa praktikatzen ari zela.

Hona hemen Egia garesti dala poema:

EGIA GARESTI DALA

Heldu zen udaberria kantuz hasi enaria. Lagunak preso jausi direla [iritsi zait gaur berria.] [bi] Urtu ziraden elurrak narrotu otso-zakurrak oraino ere minberaz daude [ene lagunen hezurrak.] [bi] Lainoak ziren odoltu gizon prestuak ixildu behin berriro ere gure Sisifo [maldaz behera amildu.] [bi] Kontzientziak urratu bakea dute saldu lau horma artean egin dituzte [bizirikan enterratu.] [bi] Indarra dela morala ordena dela kabala agertu dute gizonarentzat [egia garesti dala.] [lau]

Hitzak: Jose Mari "Txato" Agirre                     Musika: Imanol Larzabal

Egia garesti dala abestia Imanol Larzabalen ahotsean

 

[30] Bi ahizpak

Bi ahizpak kanta Pierre Topet Etxhunek idatzi zuen, non Maider eta Kattalin bi ahizpen arteko liskarra kontatzen digun.

Pierre Topet (Barkoxe, Zuberoa, 1786ko uztailaren 26a - Barkoxe, 1862ko urtarrilaren 17a), ezagunagoa Etxahun ezizenaz, euskal koblakaria izan zen; Etxahunia deitu etxean jaio izanak eman zion ezizena. Bizitza zaila izan zuen oso gaztetik, zorigaiztoko gaztaro baten ondoren kartzela eta herbestea ezagutu zituen, azkenik, zahartzaroan, Zuberoara itzuli eta eskale gisa eman zituen azken urteak.

Dakigunagatik, Etxahunek berak eskuz idatzitako bertso-paper gehienak bere familiak erre zituen, eta Jean Haritxelhar eta beste hainbat bertso-biltzaile eta ikerlariri zor diegu herriaren ahotik bertso haiek jaso izana. Hauxe da Etxahunen eskuizkribu baten zatia "Goure jaun aphescupia":

"Goure jaun aphescupia" edo "Gure jaun apezpikua" bertso sortan, Etxahunek bere bizitzan zehar
jasan zituen zorigaitzak kontatzen dizkio apezpikuari laguntza eskatuz. Eskuizkribu osoa hemen.

Hona hemen Bi ahizpak kantaren hitzak eta azalpena:

BI AHIZPAK
(M) [Kattalina entzün diñat egia segürki, maitia deitañala hik nahi idoki; segretik behar dütün bai ützi hareki; nahi ezpalinbatün olhuak eraiki.] [bi] (K) Maider, enün ebilten ez ihuren ondun, ez eta huna jiler nahi ihesi jun; ust'ükhen balinbadün hirik diel'en'ondun, eztitzañala ützi ebiltera kanpun! (M) Kattalina entzün diñat egia segürki, maitia deitañala hik nahi idoki; segretik behar dütün bai ützi hareki; nahi ezpalinbatün olhuak eraiki. (M) Ai ahizpa faltsia! ai hi lotsagarri! Ene zopa hunen jaten bethi izan hiz ari! Sorthü hintzan axuri izateko ardi, bena beldür nün egin hizala ahari! (M) [Kattalina entzün diñat egia segürki, maitia deitañala hik nahi idoki; segretik behar dütün bai ützi hareki; nahi ezpalinbatün olhuak eraiki.] [bi]	(Maider) Ahizpari agindua: Kattalinek bere maitea kendu nahi diola entzun du Maiderrek. Bere maitearekin dituen sekretuak uzteko agintzen dio, bestela egurra hartu beharko duela. (Kattalin) Ahizparen erantzuna: Kattalinek ukatzen du, esanez: Maider, ez naiz ibilten inoren atzean; ezta ere, ez nabil ihesi hona datorrenei. Ondoren eztena sartzen dio ahizpari: Uste baduzu hark baten bat atzetik duela, ez utzi kanpotik ibilten. (Maider) Ahizparirekin haserreago: Maiderrek aurpegiratzen dio Kattalin beti ibili dela bereak hartzen (nere zopa ona jaten). Gaiztoa dela adierazteko, naturatik hartutako irudia erabiltzen du Maiderrek: Bildots jaio zela ardia izateko, baina ahari bihurtzeko bidea daramala.
Hitzak: Pierre Topet (Barkoxeko Etxahun)

Bi ahizpak abestia Jean-Mixel Bedaxagar eta Amaren Alabak ahotsean

Etxahunia etxearen bila

Esan bezala, Barkoxeko Etxahunian sortu zen Pierre Topet. Gaur egun etxea desagertu da eta oroigarri xume batek esaten digu bertan egon zela. Leku horretara iristea ez da erraza eta Etxahunia non izan zen interesa duenentzat Barkoxe eta Atharratze lotzen dituen D347 bidea jorratu beharko du.

Hau da, bere garaian, Etxahunek etxetik ikusten zuen paisaia:

 

[29] Atzo goizean

Atzo goizean herri kanta Resurreccion Maria Azkuek jaso zuen Amorebieta-Etxanon. Hona hemen partitura:

Hona hemen hitzak:

ATZO GOIZEAN

Lara ra raa ra ra... [Atzo goizean goiz jagi nintzan, birigarroa goizago;] [bi] [birigarroan kanta soinuan lo egiten dogu gozaro.] [bi] [Eperrak kantatzen dau goizean bostetan:] [bi] [Ez egon neskatilak, mutilen pentzutan.] [bi]

Hitzak: Herrikoa                   Musika: Herrikoa

Atzo goizean abestia Olatz Zugasti ahotsean